Jism Ka Bojh uThae Hue Chalte Rahiye

jism kā bojh uThā.e hue chalte rahiye

dhuup meñ barf kī mānind pighalte rahiye

ye tabassum to hai chehroñ kī sajāT ke liye

varna ehsās vo dozaḳh hai ki jalte rahiye

ab thakan paañv kī zanjīr banī jaatī hai

raah kā ḳhauf ye kahtā hai ki chalte rahiye

zindagī bhiik bhī detī hai to qīmat le kar

roz fariyād kā andāz badalte rahiye

Leave a Comment