Pichhli Shab KHwab Mohabbat Ka Dikhaya Gaya Tha

pichhlī shab ḳhvāb mohabbat kā dikhāyā gayā thā

sub.h maiñ peḌ se laTkā huā paayā gayā thā

un pe zāhir thā mirā ishq-e-husainī tabhī to

tapte sahrā meñ mujhe dhoke se laayā gayā thā

ek bahre ko sunāyā gayā farmān-e-tarab

ek andhe ko ishāre se bulāyā gayā thā

us hathelī pe ugaa.e ga.e zaḳhmoñ ke gulāb

jis hathelī pe nayā ḳhvāb sajāyā gayā thā

pahle sūraj kiyā kartā thā zamīñ kī gardish

phir zamīñ ko bhī usī tarah ghumāyā gayā thā

dekhne vaalā thā manzar vo khulī āñkhoñ se

jab maiñ zanjīr-ba-kaf shahar meñ laayā gayā thā

Leave a Comment