koi divar salamat hai na ab chhat meri
ḳhana-e-ḳhasta ki surat hui halat meri
mere sajdon se munavvar hai tiri rahguzar
meri peshani pe raushan hai sadaqat meri
aur kuchh der yunhi mujh ko taḌapne dete
aap ne chhin li kyuun hijr ki lazzat meri
ye alag baat ki main fateh-e-azam Thahra
varna hoti rahi har gaam hazimat meri
main ne har lamha na.i jast laga.i ‘aslam’
mujh se vabasta rahi phir bhi rivayat meri
Leave a Reply