agha-shayar-qazalbash

Lakh Lakh Ehsan Jis Ne Dard Paida Kar Diya

laakh laakh ehsan jis ne dard paida kar diya

jis ne is dil ko hatheli ka phaphula kar diya

dekhna maghrib ki janib ye shafaq ka phulna

Dubte suraj ne sone men suhaga kar diya

zindagi aur maut men ik umr se thi kashmakash

vaqt par do hichkiyon ne paak jhagda kar diya

ik sharara sa qarib-e-shama ja kar mil gaya

atish-e-parvana ne shole ko duuna kar diya

bulbul-e-tasvir huun ab bolna hai nagavar

teri is hangama arai ne chupka kar diya

is ko kahte hain lagi parvane jal bujh Duub mar

rote rote shama ne akhir savera kar diya

de diya ankhen lada kar is pari-paikar ne jaam

main nashe men chuur tha hi aur andha kar diya

kya girami hastiyan hain hazrat-e-‘usman’-o-‘shad’

‘shair’ in donon ne duniya men ujala kar diya

More Poems

Leave a Comment