koi chehra koi mahtab dikha.i deta
niind aati to koi ḳhvab dikha.i deta
ḳhvahishen ḳhali ghaḌe sar pe uTha laa.i hain
koi dariya koi talab dikha.i deta
nisbat-e-husn mira TaaT ka arzan sa badan
tere paivand se kamḳhab dikha.i deta
Dubne ko na samundar na koi chashm-e-siyah
aaj to jaam men girdab dikha.i deta
phir mire paanv tale tuur ki miTTi hoti
phir mujhe jada-e-asbab dikha.i deta
is safedi phiri qabron ke nagar men mansur
koi to zinda-o-shadab dikha.i deta
Leave a Reply