Koi Chaudhwin-Raat Ka Chand Ban Kar Tumhaare Tasawwur Mein Aaya To Hoga

Akhtar Azad

koi chaudhvin-rat ka chand ban kar tumhare tasavvur men aaya to hoga

kisi se to ki hogi tum ne mohabbat kisi ko gale se lagaya to hoga

labon se mohabbat ka jaadu jaga ke bhari bazm men sab se nazren bacha ke

nigahon ke raste se dil men sama ke kisi ne tumhen bhi churaya to hoga

tumhare ḳhayalon ki angnaiyon men miri yaad ke phuul mahke to honge

kabhi apni ankhon ke kajal se tum ne mira naam likh kar miTaya to hoga

kabhi aaine se nigahen mila kar jo li hogi bharpur angḌai tu ne

to ghabra ke ḳhud teri angḌaiyon ne tire husn ko gudgudaya to hoga

nigahon men sham-e-tamanna jala kar taki hongi tum ne bhi rahen kisi ki

kisi ne to va.ada kiya hoga tum se kisi ne to tum ko rulaya to hoga

juda ho gaya hoga jab koi tum se diya hoga jab tum ko dhoka kisi ne

hamari vafa yaad aai to hogi hamen apne nazdik paaya to hoga