koi basti na.i ham tum kahin abad karte hain
chalo aao koi rasta naya ijad karte hain
samundar ho ki sahra ho gul-o-gulzar ho chahe
ye ham hi log hain jo har nagar abad karte hain
yahi ḳhvahish tumhari hai ki tum ham se bichhaḌ jaao
to phir jaao abhi se ham tumhen azad karte hain
hamen to aarzu ye thi qafas ko toḌ Daalo tum
magar tum ne kiya vo hi jo sab sayyad karte hain
mire har lafz men yarab bayan ho haq faqat sach ho
ata di hai qalam ki to ye bhi fariyad karte hain
mohabbat men jo haare ho to behtar hai palaT jaao
dar-o-divar-e-sang-o-bam sab hi yaad karte hain
Leave a Reply