Shahryar
jagta huun main ek akela duniya soti hai
kitni vahshat hijr ki lambi raat men hoti hai
yadon ke sailab men jis dam main ghir jaata huun
dil-divar udhar jaane ki khvahish hoti hai
khvab dekhne ki hasrat men tanhai meri
ankhon ki banjar dharti men ninden boti hai
khud ko tasalli dena kitna mushkil hota hai
koi qimti chiiz achanak jab bhi khoti hai
umr-safar jaari hai bas ye khel dekhne ko
ruuh badan ka bojh kahan tak kab tak dhoti hai
Leave a Reply