jab aftab ghar pe bulaya tha shaam ne
kya kya diye the jin ko jalaya tha shaam ne
kya kya ḳhushi thi va.ada-e-mah-e-tamam ki
ghar ko bhisht-zar banaya tha shaam ne
kya kya the ḳhvab raat jo ta.abir ho ga.e
kya kya dilon men hashr uThaya tha shaam ne
kya kya uḌi thi gardish-e-dauran ke dil men ḳhaak
jab ratjage se haath milaya tha shaam ne
kya kya guman mahakne lage the pas-e-ḳhayal
jab muskura ke jaam uThaya tha shaam ne
kya kya sahar ne phuul khila.e pas–e-shafaq
kya kya dayar-e-shab ko sajaya tha shaam ne
Leave a Reply