Poet
koi aisi baat hai jis ke Dar se bahar rahte hain
ham jo itni raat ga.e tak ghar se bahar rahte hain
patthar jaisi ankhon men suraj ke ḳhvab lagate hain
aur phir ham is ḳhvab ke har manzar se bahar rahte hain
jab tak rahte hain angan men hangame tanha.i ke
ḳhamoshi ke saa.e bam-o-dar se bahar rahte hain
jab se be-chehron ki basti men chehre taqsim hue
us din se ham a.inon ke ghar se bahar rahte hain
jis ki ret pe naam likhe hain ‘az.har’ Dubne valon ke
vo sahil maujon ke shor-o-shar se bahar rahte hain
Leave a Reply