Buto Khuda Se Daro Sang Dil Siwa Na Karo

buto khuda se Daro sang dil siva na karo

ye mom dil hai hamara ise juda na karo

na thanDi sansen bharo daur-e-mai men ham-nafasan

ye aag bhadkegi mai-khane men hava na karo

ham ankhen band karen phir dikhao rangini

jo chor pakda hai tum shokhi-e-hina na karo

chakor ham ko banaya dikha ke uryani

ye khel chandni men aa ke mah-laqa na karo

ghazal men sher bahut narm ho gae ‘akhtar’

ye kis zaban men kahte ho bad-maza na karo

Leave a Comment