Sufi

Chaaragaron Ne Bandh Diya Mujhko Bakht Se

charagaron ne bandh diya mujh ko bakht se

chhanv mili na mujh ko dua ke darakht se

baitha tha main hisar-e-falak men zamin par

dushman ne fat.h khinch li meri shikast se

main bhi to tha farefta khud apne-ap par

shikva karun main kya dil-e-nargis-parast se

girya ki saltanat mujhe degi shikast kya

chhini hai main ne zindagi paani ke takht se

harf-e-dua pe gosh-bar-avaz ho vo kyuun

dil se kalam hota hai maston ke mast se

hamd-o-sana sukhan ka nahin dil ka hai riyaz

kaise sana karun main dil-e-lakht-lakht se

ahl-e-khirad ise na samajh paenge ‘faqih’

kuchh masale hain mavara fat.h o shikast se

More Poems

Leave a Comment