Santosh Khirvadkar
koi aa kar sikha gaya hai mujhe
zindagi jiina aa gaya hai mujhe
meri qismat ki apni mahfil men
ḳhud vo aa kar bula gaya hai mujhe
paas aa kar koi isharon men
raz-e-ulfat bata gaya hai mujhe
koi kam-zarf mere jivan par
karke ehsan jata gaya hai mujhe
dhire dhire sahi magar yaaro
sabr karna to aa gaya hai mujhe
koi ‘santosh’ ḳhvab men aa kar
meri ghazlen suna gaya hai mujhe
Leave a Reply