Kohkan-E-Shab the Raha Shaghl Sahar Hone Tak

Poet

kohkan-e-shab the raha shaghl sahar hone tak

sar paTakna isi divar men dar hone tak

us ki aadat thi mire ḳhuun ko paani karna

rang kya kya na uḌa aankh ke tar hone tak

ab dava hai na dua hai na masiha goya

har ḳhuda.i thi mira ḳhun-e-jigar hone tak

umr bhar phir se juda.i ko mohabbat kahna

dekhna bhi hai zamane ki nazar hone tak

apni aahen hi subuk-gam na hone dengi

pa-ba-zanjir chalo ḳhatm-e-safar hone tak

shahr ka shahr hua ab to ta.aqub men mire

tera jaadu bhi tha mujh ḳhak-basar hone tak

ye to main tha ki tarasha hai har ik zaḳhm se phuul

haath kaT jaate hain naḳhun men hunar hone tak