poet

Kiya Jab Sabr Furqat Mein To Phir Zikr-E-Butan Kaisa

kiya jab sabr furqat men to phir zikr-e-butan kaisa

ba-ah-o-zariyan kaisi hain ye shor-e-fughan kaisa

bagule ki tarah se khaak udana hai muqaddar men

vatan kya khanaman-barbad ka tere makan kaisa

hua fikr-o-tasavvur se vo tasvir-e-sanam jab to

bigad jaana hai ab mujh se dil-e-na-mehraban kaisa

qafas men band huun main go qafas ho shakh-e-tauba par

ye mere vaste qaid-e-mihan hai bostan kaisa

ye sabit ho chuka tum par nahin Darte ye marne se

liya karte ho jan-bazon ka phir tum imtihan kaisa

lahad men chain milta hai kahan zahmat-nasibon ko

jhapakti hi nahin ankhen miri khvab-e-giran kaisa

qadam rakhna zamin par zoaf se mujh ko hua mushkil

kya dard jigar ne aah mujh ko na-tavan kaisa

andhere ho gae hain donon aalam meri nazron men

zamin kaisi hai mere vaste aur asman kaisa

‘jamila’ alimon se saaf kah de tujh ko Dar kis ka

makan-e-dil maqam-e-kibriya hai la-makan kaisa

More Poems

Leave a Comment