zafar-iqbal

Hawa Badal Gai Us Bewafa Ke Hone Se

hava badal gai us bevafa ke hone se

vagarna khalq to khush thi khuda ke hone se

khabar nahin mujhe matlub aur kya hai ki main

zyada khush nahin arz o sama ke hone se

hamesha bar-sar-e-paikar huun kahin na kahin

mujhe ilaqa nahin bach-bacha ke hone se

ye shola dil se alag ho ke bhi nikal aaya

kuchh aag phail gai hai hava ke hone se

ye shahr kuchh bhi mazafat ke baghair nahin

vajud asl men hai mavara ke hone se

judai chhodti rahti hai vasl ki khushbu

main zinda rahta huun aksar qaza ke hone se

main purza purza pada huun jahan-tahan har samt

khafa sabhi hain mire ja-ba-ja ke hone se

zaruraten hi miri ho nahin rahin puuri

ruka hai qafila ik be-nava ke hone se

jo rah gai hai ye ek aanch ki kasar to ‘zafar’

vo zar-gari thi kisi kimiya ke hone se

More Poems

Leave a Comment