Rizvan Anjum
kitne bosida hain halat musalmanon ke
dil dukhate hain yahan faisle aivanon ke
oḌhna aur bichhauna hua daulat un ka
ba.is-e-sharm yahan kaam hain sultanon ke
ye bhi mahbub ki yadon men magan hon shayad
shaiḳh ji aap kyon dushman hue divanon ke
sahab-e-fikr madad-gar mujahid darvesh
ab to lagta hai ye kirdar hain afsanon ke
kaTna marna insan ka sheva to nahin
chhoḌ do taur tariqe hain ye haivanon ke
bas zara si ye gharibi hai sanam Tal jaa.e
chaak si lenge sanam apne garebanon ke
ham to guftar ke ghazi hain yahan sab ‘anjum’
amn ke naam pe bhage hue maidanon ke
Leave a Reply