Har Zarra Ubhar Ke Kah Raha Hai

har zarra ubhar ke kah rahā hai

aa dekh idhar yahāñ ḳhudā hai

is charḳh ko piis Dāltā maiñ

afsos ki yaar be-vafā hai

martā tirī kaj-adā.iyoñ par

lekin vo ḳhumār utar gayā hai

maiñ mehr-o-vafā kī intihā huuñ

tū jaur-o-jafā kī intihā hai

ushshāq kī ruuh kāñptī hai

jab aa.ina koī dekhtā hai

ye kufr-navāzī-e-‘tabassum’

kāfir kisī but pe mubtalā hai

Leave a Comment