waseem-barelvi

Mujhe Bujha De Mera Daur Mukhtasar Kar De

mujhe bujha de mira daur mukhtasar kar de

magar diye ki tarah mujh ko mo’atabar kar de

bikharte tutte rishton ki umr hi kitni

main teri shaam huun aa ja miri sahar kar de

judaiyon ki ye raten to katni hongi

kahaniyon ko koi kaise mukhtasar kar de

tire khayal ke hathon kuchh aisa bikhra huun

ki jaisa bachcha kitaben idhar-udhar kar de

‘vasim’ kis ne kaha tha ki yuun ghazal kah kar

ye phuul jaisi zamin ansuon se tar kar de

More Poems

Leave a Comment