vaqt ki intiha talak vaqt ki jast ‘amir-imam’
hast ki buud ‘amir-imam’ buud ki hast ‘amir-imam’
hijr ka mahtab hai niind na koi ḳhvab hai
tishna-labi sharab hai nashshe men mast ‘amir-imam’
saḳht bahut hai marhala dekhiye kya ho faisla
tegh-ba-kaf haqiqaten qalb-ba-dast ‘amir-imam’
zaḳhm bahut mile magar aaj bhi hai uTha.e sar
dekh jahan-e-fitna-gar teri shikast ‘amir-imam’
us ke tamam ham-safar niind ke saath ja chuke
ḳhvab-kade men rah gaya ḳhvab-parast ‘amir-imam’
Leave a Reply