kisi surat sahar nahin hoti
raat idhar se udhar nahin hoti
ḳhauf sayyad se na barq ka Dar
baat ye apne ghar nahin hoti
ek vo hain ki roz aate hain
ek ham hain ḳhabar nahin hoti
ab main samjha huun kaaT kar shab-e-gham
zindagi muḳhtasar nahin hoti
kitni paband-e-vaz.a hai shab-e-gham
kabhi ghairon ke ghar nahin hoti
kitni sidhi hai rah-e-mulk-e-adam
hajat-e-rahbar nahin hoti
sun liya hoga tum ne hal-e-mariz
ab dava kargar nahin hoti
arsh milta hai meri aahon se
lekin un ko ḳhabar nahin hoti
Leave a Reply