kisi ne pakda daman aur kisi ne astin pakdi
na uttha main hi us kuche se ye main ne zamin pakdi
khuda shahid hai dil par chot si ik lag gai mere
bahana dard-e-sar ka kar ke jab us ne jabin pakdi
siva un ke na kahna aur se aafat na kuchh aae
na jaane baat meri qasida shayad kahin pakdi
bhala ab mujh se chhutta hai kahin us shokh ka chaska
ye kya hai chhed meri har ghadi ki ham-nashin pakdi
ghazab hain aap bhi main ne to tum se kaan pakda hai
hua jab kuchh main kahne ko zaban meri vahin pakdi
ye qismat vasl ki shab subh tak takrar men guzri
idhar kuchh main ne zid pakdi udhar us ne ”nahin” pakdi
mujhe dasvao ik mar-e-siyah se ye saza diije
jafa ki apne sahib ki jo zulf-e-ambarin pakdi
khuda ke fazl se aisi tabiat hai ‘nizam’ apni
ghazal dam men kahi fazl-e-khuda se jo zamin pakdi
Leave a Reply