Tarkash Pradeep
peḌ girta hai to jo us pe guzar hoti hai
ek saa.e ke siva kis ko ḳhabar hoti hai
husn hota hai kisi shai ka koi apna hi
aur phir dekhne vaale ki nazar hoti hai
ham nahin tirgi se ḳhaufzada hone ke
jante hain ki har ik shab ki sahar hoti hai
aap ne is ke fasane hi sune hote hain
aur achanak ye bala aap ke sar hoti hai
mere ash.ar us avaz ki hain guunj faqat
vo ik avaz jo dil TuTne par hoti hai
Leave a Reply