Bite Lamhe Kashid Karti Hun

biite lamhe kashid karti huun

is tarah jashn-e-id karti huun

jab bhi jaati huun shahr-e-shishagaran

kuchh manazir kharid karti huun

main havaon se dushmani le kar

kitne tufan murid karti huun

meri ankhen mira havala hain

apni ankhon ki diid karti huun

mire jazbe miri shahadat hain

bahte aansu shahid karti huun

subh taare ko dekh kar ‘farrukh’

apni subhen saiid karti huun

Leave a Comment