Humaira Rahman
gar us se rabt mira sirf ikhtilafi tha
to us ka radd-e-amal qabil-e-muafi tha
mohabbaton men mafadat kaun yaad rakhe
so ham ko apne liye ek naam kaafi tha
charagh jab bhi jalaya koi to gul na kiya
ye raushni ki rivayat ke munafi tha
use khayal tha meri shikasta-pai ka
ye janna bhi to us zakhm ki talafi tha
‘humaira’ umr guzari to e’tibar aaya
ki is makan ka saman sab izafi tha
Leave a Reply