aftab-hussain

Asl Haalat Ka Bayan Zahir Ke Sanchon Mein Nahin

asl halat ka bayan zahir ke sanchon men nahin

baat jo dil men hai mere mere lafzon men nahin

ik zamana tha ki ik duniya mire hamrah thi

aur ab dekhun to rasta bhi nigahon men nahin

koi aseb-e-bala hai shahr par chhaya hua

bu-e-adam-zad tak khali makanon men nahin

rafta rafta sab hamari raah par aate gae

baat hai jo ham buron men achchhe achchhon men nahin

apne hi dam se charaghan hai vagarna ‘aftab’

ik sitara bhi miri viran shamon men nahin

More Poems

Leave a Comment