kisi men tab-e-alam nahin hai kisi men soz-e-vafa nahin hai
suna.en kis ko hikayat-e-gham ki koi dard-ashna nahin hai
ham inqalab-e-falak ke hathon bahut sata.e hue hain ya-rab
ye nala-e-be-kasi hamara shikayat-e-narava nahin hai
hujum-e-varaftagi ke hathon jo jaan chali to khula ye uqda
ki tar-o-paud–eḳhayal-e-dilbar se rishta-e-jan juda nahin hai
kal us but-e-ba-vafa se mil kar jo aur betab ho gaya dil
hua ye zahir ki ranj-o-gham ki jahan men koi dava nahin hai
yahi hai ab aarzu ‘tabassum’ ki dam nikal jaa.e aah karte
ki tab-e-iz.har-e-ulfat-e-yar sheva-e-ashna nahin hai
Leave a Reply