Ram Riyaz
kisi marqad ka hi zevar ho jaa.en
phuul ho jaa.en ki patthar ho jaa.en
ḳhushkiyan ham se kinara kar len
tum agar chaho samundar ho jaa.en
tu ne munh phera to ham aise lage
jis tarah aadmi be-ghar ho jaa.en
ye sitare ye samundar ye pahaḌ
kis tarah log barabar ho jaa.en
apna haq log kahan chhoḌte hain
dost ban jaa.en baradar ho jaa.en
amad-e-shab ka ye matlab hoga
‘ram’ kuchh chehre ujagar ho jaa.en
Leave a Reply