Kisi Mahal Mein Na Shahon Ki Aan-Ban Mein Hai

kisī mahal meñ na shāhoñ kī ān-bān meñ hai

sukūn jo kisī Dhābe ke sā.ebān meñ hai

maiñ us maqām par huuñ jaise koī ḳhālī haath

nigāh-e-hasrat-o-armāñ liye dukān meñ hai

darinde shahr meñ ābād ho ga.e saare

sunā hai saath kā jañgal baḌī amaan meñ hai

ye jāntā hai palaT kar use nahīñ aanā

vo apnī ziist kī khiñchtī huī kamān meñ hai

Leave a Comment