vaqt-e-aḳhir jo balin par aja.iyo
yaad rakhiyo bahut nekiyan pa.iyo
mere laa.eq jo ho mujh ko batla.iyo
jaan hazir hai kuchh aur farma.iyo
ek Dar mujh ko arz-e-tamanna men hai
tum pasine pasine na ho ja.iyo
ham dua amn ki mangte hain magar
aap bhi apni paa.el ko samjha.iyo
ham ko bhi kuchh lakiron ki pahchan hai
aap apni hatheli idhar la.iyo
hal-e-dil ham sunate hain hanste ho tum
ham nahin bolte tum se ab ja.iyo
miir ke rang men likh ke ghazlen ‘alim’
dhire dhire na tum miir ban ja.iyo
Leave a Reply