poet

Kisi Ki Sans Ukhadti Ja Rahi Thi

kisi ki saans ukhadti ja rahi thi

men lachari se takti ja rahi thi

jo phenki kankari thi qabr par vo

dua-e-khair karti ja rahi thi

udhar tha husn ka inkar phir bhi

talab muusa ki badhti ja rahi thi

tavaf-e-kaaba ki aisi khushi thi

ki meri saans rukti ja rahi thi

zamane ke sitam sahte hue bhi

‘zamani’ shauq karti ja rahi thi

More Poems

Leave a Comment