Kisi Ke Sath Kiya Nisbat Hui Thi

kisi ke saath kya nisbat hui thi

main apne-ap se rukhsat hui thi

palat kar pichhe dekha tha zara sa

mujhe khud par badi hairat hui thi

achanak aa gai thi apne aage

achanak baat ki jurat hui thi

khud apna saath bhi chubhne laga tha

ajab tanhai ki aadat hui thi

mire andar bhanvar uthne lage the

samundar se badi vahshat hui thi

bahut sargoshiyan shishe se ki thiin

kisi ki mujh se bhi ghibat hui thi

Leave a Comment