Kisi Ka Tir Kisi Ki Kaman Ho Thik Nahin

kisī kā tiir kisī kī kamāñ ho Thiik nahīñ

tumhāre muñh meñ kisī kī zabāñ ho Thiik nahīñ

jo ḳhaak honā muqaddar hai apnā rañg hai ḳhuub

tamām umr dhuāñ hī dhuāñ ho Thiik nahīñ

tū mil sakā bhī to kyā aur na mil sakā bhī tū kyā

ḳhayāl-e-sūd malāl-e-ziyāñ ho Thiik nahīñ

ghanerī raat ghanā dasht ghor tanhā.ī

kahīñ pe koī ḳhayāl-e-amāñ ho Thiik nahīñ

Leave a Comment