Kisi Ka Qahr Kisi Ki dua Mile To Sahi

Abdul Hamid

kisi ka qahr kisi ki dua mile to sahi

sahi vo dushman-e-jan-ashna mile to sahi

abhi to laal hari battiyon ko dekhte hain

mile kisi ki khabar silsila mile to sahi

ye qaid hai to rihai bhi ab zaruri hai

kisi bhi samt koi rasta mile to sahi

ye sham-e-sard men har su alaav jalte hain

siyah khamoshi men koi sada mile to sahi

qaba-e-jism ki hai taar taar nazr karen

kabhi kahin vahi pagal hava mile to sahi