ahmad-javed

Kisi Ka Dhyan Mah-e-Nim-Mah Mein Aaya

kisi ka dhyan mah-e-nim-mah men aaya

safar ki raat thi aur khvab raah men aaya

tulu-e-saat-e-shab-khun hai aur mera dil

kisi sitara-e-bad ki nigah men aaya

mah o sitara se dil ki taraf chala vo javan

adu ki qaid se apni sipah men aaya

jihad-e-gham men koi sust zarb meri tarah

giraft-e-maisara-e-ashk-o-ah men aaya

sitare Duub gae aur vo sitara-gar

thakan se chuur zamin ki panah men aaya

charagh hai miri raton ka ek khvab-e-visal

jo koi pal tiri chashm-e-siyah men aaya

dukhi dilon ki salami qubul karte hue

nazar jhukae koi khanqah men aaya

More Poems

Leave a Comment