majrooh-sultanpuri

Go Raat Meri Subh Ki Mahram To Nahin Hai

go raat miri subh ki mahram to nahin hai

suraj se tira rang-e-hina kam to nahin hai

kuchh zakhm hi khaen chalo kuchh gul hi khilaen

har-chand baharan ka ye mausam to nahin hai

chahe vo kisi ka ho lahu daman-e-gul par

sayyad ye kal raat ki shabnam to nahin hai

itni bhi hamen bandish-e-gham kab thi gavara

parde men tiri kakul-e-pur-kham to nahin hai

ab kargah-e-dahr men lagta hai bahut dil

ai dost kahin ye bhi tira gham to nahin hai

sahra men bagula bhi hai ‘majruh’ saba bhi

ham sa koi avara-e-alam to nahin hai

More Poems

Leave a Comment