hue aaj budhe javani men kya the
jab utthe the zaanu se haath ashna the
jahan ki to har chiiz men ik maza tha
na samjhe ki kis shai ke ham mubtala the
na kafir se khilat na zahid se ulfat
ham ik bazm men the pa sab se juda the
na tha mere jangal men azad koi
bagule bhi paband-e-zulf-e-hava the
mazar-e-gharib taassuf ki ja hai
vo sote hain phirte jo kal ja-ba-ja the
bana kar bigada hamen kyuun jahan men
ye sab harf kya sahv-e-kilk-e-qaza the
kiye akhiri naale do-char main ne
vahi naale bang-e-shikast-e-dara the
khuda jaane duniya men kis ko thi rahat
‘havas’ ham to jiine se apne khafa the
Leave a Reply