Bedar Karun Kis Se Main Izhaar-E-Mohabbat

‘bedar’ karun kis se main izhar-e-mohabbat

bas dil hai mira mahram-e-asrar-e-mohabbat

har bul-havas us jins ka hota haiga khvahan

jan-bakhta-khvan hoven kharidar-e-mohabbat

ai shaikh qadam rakhiyo na is raah men zinhar

hai subha-shikan rishta-e-zunnar-e-mohabbat

karte hain abas mujh dil-e-bimar ka darman

vabasta miri jaan se hain azar-e-mohabbat

bach jaun is azar se ‘bedar’ gar ab ki

hunga na kabhi phir main giraftar-e-mohabbat

Leave a Comment