Adu Ke Takne Ko Tum Idhar Dekho Udhar Dekho

Bekhud Dehlvi

adu ke takne ko tum idhar dekho udhar dekho

magar ham tum ko dekhe jaa.en tum chaho jidhar dekho

laḌa.i se yunhi to rokte rahte hain ham tum ko

ki dil ka bhed kah deti hai tum chaho jidhar dekho

ada.en dekhne baiThe ho kya a.ine men apni

diya hai jis ne tum jaise ko dil us ka jigar dekho

saval-e-vasl par kuchh soch kar us ne kaha mujh se

abhi va.ada to kar sakte nahin hain ham magar dekho

na karna tark ‘beḳhud’ mohtasib ke Dar se mai-ḳhvari

kahin dhabba laga lena na apne naam par dekho