zindagi ehsan hi se mavara thi main na tha
taaq par rakkhi hui meri dava thi main na tha
meri hasti a.ina thi ya shikast-e-a.ina
baat itni si na samjhe mere sathi main na tha
tu hi to sab kuchh sahi na-chiz ye ab kuchh sahi
vo to meri ibtida be-intiha thi main na tha
dekhta rahta huun manzar didani na-didani
haan magar hairan chashm-e-ma-siva thi main na tha
tu mujhe dushman samajhta hai to dushman hi sahi
tu bhi vaqif hai koi nadan sathi main na tha
mere andar ka darinda kha raha tha pech-o-tab
aur phir sha.istagi zanjir-e-pa thi main na tha
ḳhair ab to chyunTi bhi dauḌti hai kaTne
jhulte the jab ki darvaze pe hathi main na tha
Leave a Reply