kisi aur ko main tire siva nahin chahta
so kisi se tera muvazana nahin chahta
koi kund zehn qabil se hai mire ḳhilaf
ki vo raushni ka hi irtiqa nahin chahta
tu hasin hai so mughalate men na ḳharch ho
mire dost dil se tujhe zara nahin chahta
tira vasl chahe ragon men zahr utaar de
tire hijr ka kabhi azhdaha nahin chahta
abhi dil ko maazi ki sohbaton ka malal hai
na.e shahr men koi ashna nahin chahta
ye parind peḌ charagh to mire saath hain
mira ḳhandan miri raza nahin chahta
Leave a Reply