Kis Shai Pe Yahan Waqt Ka Saya Nahin Hota

kis shai pe yahan vaqt ka saaya nahin hota

ik khvab-e-mohabbat hai ki budha nahin hota

vo vaqt bhi aata hai jab ankhon men hamari

phirti hain vo shaklen jinhen dekha nahin hota

barish vo barasti hai ki bhar jaate hain jal-thal

dekho to kahin abr ka tukda nahin hota

ghir jaata hai dil dard ki har band gali men

chaho ki nikal jaaen to rasta nahin hota

yadon pe bhi jam jaati hai jab gard-e-zamana

milta hai vo paigham ki pahuncha nahin hota

tanhai men karni to hai ik baat kisi se

lekin vo kisi vaqt akela nahin hota

kya us se gila kijiye barbadi-e-dil ka

ham se bhi to izhar-e-tamanna nahin hota

Leave a Comment