Sufi

Kis Se Ab Ja Ke Kahen Haal-e-Pareshan Apna

kis se ab ja ke kahen hal-e-pareshan apna

liye phirte hain sabhi chaak gareban apna

juz tire naam ke ubhri na koi aur sada

ham ne chheda jo kabhi tar-e-rag-e-jan apna

phir use mujh sa koi chahne vaala na mila

vo pasheman hai bahut tod ke paiman apna

mere honton ke tabassum se hirasan ho kar

rukh badal leta hai sail-e-gham-e-dauran apna

baghban se kabhi khairat na mangi ham ne

mausam-e-gul men bhi khali raha daman apna

kam se kam jhuti tasalli se to mahfuz hain ham

ye bhi achchha hai ki koi nahin pursan apna

apne qadmon pe farishton ko jhuka sakta hai

martaba jaan le ‘abid’ agar insan apna

More Poems

Leave a Comment