kis raqs-e-jan-o-tan men mira dil nahin raha
go main kisi julus men shamil nahin raha
har chand teri ruuh ka mahram raha huun main
lekin tire badan se bhi ghafil nahin raha
tujh se koi gila hai na teri vafa se hai
main hi tire khayal ke qabil nahin raha
bahar chahak rahi ho ki andar mahak rahi
dil ab kisi bahar ka qaail nahin raha
yaaro safina-e-gham-e-dil ka banega kya
lagta hai ab kahin koi sahil nahin raha
Leave a Reply