Poet
kis liye sahra ke muhtaj-e-tamasha hojiye
chaak kiije siine ko aur aaphi sahra hojiye
kushta-e-lab ho ke kiije javedan ab zindagi
kyuun abas minnat-kash-e-ḳhizr-o-masiha hojiye
chashm-e-ahval sab ko dekhe hai ziyada aap se
ain bina.i hai gar is tarah biina hojiye
kab talak sar-gashta rahiye din ko misl-e-gard-bad
raat ko juun sham.a jalne ko muhayya hojiye
is qadar ham dil-girafta hain ki mushkil hai bahut
us ke band-e-jama va hone pe bhi va hojiye
mujh se ye mahjubi aur dushman se aisa iḳhtilat
sharm kiije bevafa.i men na rusva hojiye
aana yuun tevri chaḌha.e munh bana.e fa.eda
gar yahi surat hai mat tashrif-farma hojiye
bul-havas ka yuun hadaf kiije nishana tiir ka
ghafil apni qadar se be-dard itna hojiye
juun jaras bam-o-dar-e-har-ḳhana se uTThega shor
mat safar se hashr barpa saz-e-suhha hojiye
ḳhana viran kar ke divane bane tis par ‘raza’
kuchh na ho.e phir bhala kya kijiye kya hojiye
Leave a Reply