Fuzail Jafri
gir bhi jaa.en to na mismar samajhiye ham ko
raushni si pas-e-divar samajhiye ham ko
ham bhi aḳhir hain yake-az-mutavassit tabqa
maut ke baad bhi bimar samajhiye ham ko
bose biivi ke hansi bachchon ki ankhen maan ki
qaid-ḳhane men giraftar samajhiye ham ko
vaqt masum-o-jari ruhon ke darpai hai ‘fuzail’
zinda jab tak hain sar-e-dar samajhiye ham ko
Leave a Reply