Ammar Yasir Migsi
baqa ka aur fana ka mo.amla hai huzur
charagh aur hava ka mo.amla hai huzur
main us ko manun na manun mujhe mile na mile
ye mera aur ḳhuda ka mo.amla hai huzur
ye meri tujh se mohabbat agar ḳhata hai to phir
yahan pe husn-e-ḳhata ka mo.amla hai huzur
ye tai hua bhi agar hoga nok-e-neza par
ye ek karb-o-bala ka muamla hai huzur
hai ek dil ko ijazat yahan dhaḌakne ki
hatheli aur hina ka mo.amla hai huzur
tabhi to sachcha ḳhuda bhi ḳhamosh hai ‘ammar’
ye astin ka asa ka mo.amla hai huzur
Leave a Reply