Kis Liye Kije Bazm-Arai

Javed Akhtar

kis liye kiije bazm-ara.i

pur-sukun ho ga.i hai tanha.i

phir ḳhamoshi ne saaz chheḌa hai

phir ḳhayalat ne li angḌa.i

yuun sukun-ashna hue lamhe

buund men jaise aa.e gahra.i

ik se ik vaqi.a hua lekin

na ga.i tere gham ki yakta.i

koi shikva na gham na koi yaad

baiThe baiThe bas aankh bhar aa.i

Dhalki shanon se har yaqin ki qaba

zindagi le rahi hai angḌa.i