Poet
kis ki yadon ka faiz jaari hai
kis liye itni ah-o-zari hai
si liye honT pi liye aansu
ye hi tahzib-e-inkisari hai
kis ki yadon men jagte ho tum
kis ke ḳhvabon ki zimmedari hai
sirf unvan badal diya tum ne
varna ye dastan hamari hai
jitne ehsan hain tumhare hain
jo ḳhata hai faqat hamari hai
‘mir’ sahab bhi ḳhuub kahte hain
ishq patthar hai aur bhari hai
bah rahi hai furat-e-gham ‘shakir’
ansuon ki sabil jaari hai
Leave a Reply