Hanif Tarin
kis ke ḳhayal ne mujhe shorida kar diya
tanha-shabi ko aur bhi sanjida kar diya
ehsas-e-na-rasa.i ki banjar zamin ko
kis ke ḳhayal-e-sabz ne balida kar diya
kal ham ne tasht-e-bam pe shab-ḳhun maar kar
bistar uchaTti niind ka ḳhvabida kar diya
biite ghamon ko aaj ki talḳhi men ghol kar
mustaqbil-e-hayat ko laghzida kar diya
har roz ki na.i na.i ijad ne ‘hanif’
har madan-e-qadim ko zholida kar diya
Leave a Reply